Աշուն է եկել,
Մտել մեր այգին,
Որ մրգին հպվել`
Հասել է կարգին:
Տանձը քաղցրացել`
Ծառին չի մնում,
Խաղողը հասել`
Աչքով է անում:
Խնձոր,դեղձ,սալոր,
Կախ են ճյուղերին,
Քաղցր ու գունավոր,
Աչքները հողին:
Ճկվել է բերքից
Տունկն էլ լոլիկի,
Պղպեղը կծվից
Թեքվել է կողքի:
Ճաքել է նուռը`
Ներսն է երևում,
Պահել է ճյուղը
Ընկույզը բռում:
Աշուն է եկել,
Ներկերով անգին,
Ինչ լավ է գտել,
Մեր դուռն ու այգին:
Комментариев нет:
Отправить комментарий