ՄԱՐՏԻ ՈՒԹ

Վաղը տոնն է  մայրիկների,

Իմ մայրիկը գիտի,

Գույնն ու բույրը  ծաղիկների

Ինձ հետ  պիտի ընտրի:

Իմ նկարած ծաղիկները

Խզբզոց են  թղթին,

Պիտի  գտնենք  անունները

Պիտի փնջենք կարգին:

Վարդ ու կակաչ  կարմիր ներկեմ ,

Մանուշակը`կապույտ ,

Դեղին Շուշան ,Նարցիս գտնեմ,

Ու մեխակներ`պուտ-պուտ:

Փնջում էլ տեղ չէր մնացել

Անմոռուկի համար,

Ծաղկավոր  էր  թուղթը  դարձել,

Տոնն հանկարծ չուշանար:

Անին ունի փոքրիկ շուն`

Մեծի անունով,

Չալպուտուրիկ, մոխրագույն

Աչքերի փայլով:

Ռեմբո,-կանչում է Անին,-

Արի ինձ գտիր,

Պտտում դռան բանալին

Թե ներս մի  մտիր:

Թե դռնից  գնա հեռու

Դրսերում փնտրիր,

Երբ ես գամ քեզ գտնելու`

Իմ գիրկը նետվիր:

ԴՊՐՈՑԱԿԱՆ ԵՄ

Առաջին անգամ այսօր  դպրոցական եմ,

Գրիչ, տետր ու գիրք, պայուսակ ունեմ,

Անծանոթ է  դպրոցիս  ճամփան ու բակը,

Պինդ եմ սեղմում  մայրիկիս ինձ պարզած ափը:

Տոնական է օրն այսօր դպրոցիս նման,

Մեծերի հետ ձեռք - ձեռքի շատ մանուկներ կան,

Ընդառաջ է մեզ գալիս ուսուցիչը մեր,

Ճանաչում է բոլորիս` անունս  գիտեր:

Խոստանում եմ մայրիկիս ուսուցչիս լսել,

Դպրոցում իմ անցածը  նրա հետ կիսել,

Սեպտեմբերի մեկը իմ դպրոցի օրն է,

Գիտելիքի, կրթության մեր Ամանորն է….